Suriyada döyüşlərdə iştirak etməkdə təqsirləndirilən şəxslərin məhkəmə istintaqı yekunlaşıb

Bu gün Bakı Ağır Cinayətlər Məhkəməsində Suriyada döyüşlərdə iştirak etməkdə təqsirləndirilən Sənan Baxışov, Ruslan Cəfərov, Eldost Quliyev, Məmmədşah Məmmədəliyev, Əhməd Həsənov, Maarif Mərdanovun cinayət işi üzrə məhkəmə prosesi davam etdirilib.
Vətəninfo.az APA-ya istinadən xəbər verir ki, prosesdə məhkəmə istintaqının başa çatması barədə qərar qəbul edilib. Daha sonra çıxış üçün söz dövlət ittihamçısına verilib. Lakin o, çıxışa hazır olmadığı üçün məhkəmə mayın 19-na təxirə salınıb.
Qeyd edək ki, Suriyada döyüşlərdə iştirak etməkdə təqsirləndirilən 26 nəfər saxlanılıb.
Onların cinayət işləri ayrı-ayrılıqda qrup şəklində icraata verilib.