Turan tele-teatrı yarandı

Bu günlərdə Bakıda Turan tele-teatrının tanıtım konfransı keçirilib. Konfransda teleteatrın gənc istedadların üzə çıxarılması çərçivəsində gənc istedad Vüsal Fərzəliyevə həsr olunan "Məqsədə doğru gedənlər" tanıtım filmi və türklərin başına gələn müsibətlərə həsr olunan "Üç nəsihət" qısafilmi nümayiş etdirilib.

Konfrans İzmirdəki "Azərbaycan Qadınları Kültür" cəmiyyətinin və "Oğuz" Müstəqil Arasdırmaçılar Qrupunun dəstəyi ilə keçirilib. Teleteatrın təqdimatında təşkilat rəhbərləri, ziyalılar, bölgələrdən və xaricdə yaşayan qonaqlar iştirak edib. Müxtəlif sahələrdə çalışan insanları birləşdirən Turan TT-nın məqsədi bütün türkdilli dövlətlərin tarixini, mədəniyyətini, folklorunu bir araya toplayıb dünyada təbliğ etmək olub. 

Turan tele-tetarının rəhbəri Kəmalə Nəbibəyovanın sözlərinə görə, düşmənlə döyüşdə ən güclü silahın mədəniyyət olduğunu qeyd edib.

“Teatr və kino ən güclü təsir vasitəsidir. Fikrimiz yaxın gələcəkdə türk tarixindən bəhs edən tamaşa və filmlər planlaşdırıb dünyaya yaymaqdır. Bu işdə bütün Turandan dəstək gözlüyürük”,-deyə tele-teatrın rəhbəri bildirib.

Elnur Eltürk