Türkiyə Silahlı Qüvvələrinin Baş Qərargah rəisi istefaya gedir

Türkiyə Silahlı Qüvvələri Baş Qərargahının rəisi Necdet Özel iyul ayının sonunda vəzifəsini tərk edəcək. Bu barədə Trend "Kanal7" telekanalına istinadən məlumat verir.

Daha əvvəl N.Özelin avqustun sonunda vəzifəsini tərk edəcəyi gözlənilirdi. İstefaya səbəb kimi onun səhhətində problemlərin olması göstərilirdi.

N.Özel 2011-ci il avqustun 4-də Silahlı Qüvvələrin Baş Qərargahının rəisi təyin edilib.

Telekanalın məlumatına əsasən, Quru Qoşunları komandanı 63 yaşlı general Hulusi Akar Baş Qərargahın rəisi təyin edilə bilər.