Vakant vəzifələri gizlədənlər cəzalandırıldı

Göygöldə dövlət və özəl müəssisələrin rəhbərlərinin iştirakı ilə keçirilən növbəti toplantıda vakant iş yerləri barədə hesabatların rayon məşğulluq mərkəzinə vaxtında göndərilməsinin vacibliyi ilə bağlı müzakirələr aparılıb.

 

Toplantıda cari ilin ötən 10 ayı ərzində rayon məşğulluq mərkəzində 373 nəfərin işsiz kimi qeydiyyata alındığı diqqətə çatdırılıb. Onlardan 247 nəfəri münasib işlə təmin olunub, 11 nəfərə işsiz statusu verilib, 12 nəfərə müavinət təyin edilib, 13 nəfər peşə kurslarına, 8 nəfər isə ictimai işlərə cəlb olunub.

 

Toplantıda, həmçinin cari ilin ötən dövrü ərzində boş iş yerləri barədə hesabatları təqdim etmədikərinə görə 3 müəssisəyə şərti maliyyə vahidinin 40 misli dəyərində cərimə tətbiq olunması barədə də məlumat verilib. Qeyd olunub ki, bu işə bundan sonra da ciddi nəzarət ediləcək./xezerxeber