Xəzər TV zirvələrdə mətindir

Respublikamızda fəaliyyət göstərən telekanallar arasında öz dəsti-xətti, nizam-intizamı, baxımlılığı, eyni zamanda tamaşaçı tələbatına cavab verən, tamaşaçı rəğbəti, sevgisi qazanan Xəzər televiziyası zirvədə qalmaqda davam edir.

Dolğun məzmunlu xəbərlər, ölkədə, xaricdə baş verən hadisələrin analitik təhlili, maraqlı musiqili-əyləncəli, intellektual verilişlər, peşəkar kollektiv, yüksək idarəçilik öz bəhrəsini verir. İdman dünyasındakı uğurlar, mənəvi dəyərlərin, mədəni irsin təbliği, mədəniyyətə dəstək kanalda öz geniş əksini tapır. Muğam ifaçılarına, muğama qayğı, onun təbliği ürəkaçandır. Aparıcıların peşəkarlığı, efirə məsuliyyətlə yanaşmaları izləyicilərə zövq verir. Sevinc və Sevil bacıları qısa müddətdə ümumxalq sevgisi qazandılar və ətraflarına güclü tamaşaçı ordusu topladılar.

Xəzər TV hər zaman yeni layihələrə imza atır. Türk dünyası bütövlükdə bu kanalda öz əksini tapır. Milli mətbəximiz mətbəx şoularında təbliğ edilir. Hər zaman tamaşaçıya, xalqa yaxın olan Xəzər TV uzaq məsafələri yaxınlaşdıraraq tamaşaçıya yalnız yüksək zövq, əhval bəxş edir, həmişə zirvələrdə, əziz Xəzərçilər! Zirvə Sizə çox yaraşır. Sükanı belə saxlayın.

Vüqar Əhməd - filologiya elmləri doktoru, professor

Vətəninfo.az