Yeni avtobuslar Avropa standartlarına tam cavab verir

Vətəninfo.az ANS PRESS-ə istinadən xəbər verir ki, Avropa Oyunları ərəfəsində və yarış günlərində xüsusi ünvanlarda dayanan ekspres avtobuslar oyunlar keçirilən ərazilərə gedəcək.
Ekspress avtobuslara metronun “Nizami”, “28 may”, “Gənclik”, “Koroğlu”, “Elmlər Akademiyası” və “20 yanvar” stansiyalarının yaxınlığındakı dayanacaqlarda minmək olar.
Qeyd edək ki, Avropa Oyunları keçirilən ərazilərdə xidmət göstərmək üçün Bakıya 300 ədəd “İVECO” markalı sərnişin avtobusu gətirilib.
Yeni avtobuslar Avropa standartlarına tam cavab verir.
Həmin avtobuslar Nəqliyat Nazirliyi, Bakı şəhər İcra Hakimiyyəti və “Bakıbus” şirkəti tərəfindən gətirilib. Avtobuslarda sərnişinlərin rahatlığı üçün lazım olan bütün vasitələrlə təchiz olunub. Avtobusda kondisioner, havalandırma, soyutma və istiləşdirmə sistemləri var.
Yeni avtobuslardan əlillər də istifadə edə biləcək.
Həmin avtobusları idarə etmək üçün xüsusi geyimli sürücülər ayrılıb. Sürücülər xarici dil kursları keçiblər. Onlar paytaxtın bütün ərazilərini yaxşı tanıyır və təcrübəli sürücülərdir.