Üzeyir Cəfərov: “Bu heç vaxt mümkün olan iş deyil və Rusiya bu ağılsızlığa getməz”

Rusiya Azərbaycanla sərhədlərinə qoşun toplayırmı?

Hal-hazırda Şimali Qafqaz Rusiya üçün ən başağrılı regiondur. Şimali Qafqazda öz qoşunlarını gücləndirmək qərarına gələn Rusiyanın məqsədi son zamanlar Dagıstanda və Şimali İnquşetiyada həyata keçirilən antiterror əməliyyatlarının qarşısını almaq , ordakı şəxsi heyətini yeniləmək və gücləndirmək xarakteri daşıyır.

Bu sözləri “Vətəninfo.az” a hərbi ekspert Üzeyir Cəfərov Rusiyanın Azərbaycan sərhədlərinə qoşun toplaması ilə bağlı məlumatı şərh edərkən bildirib. Bu fikirlərin absurd olduğunu deyən Ü.Cəfərov vurğulayıb ki, bu heç vaxt mümkün olan iş deyil və Rusiya bu ağılsızlığa getməz: “Birinci növbədə Gürcüstanla müharibədən sonra bunun yenidən reallaşması mümkün deyil, çünki Rusiyanın Azərbaycandan, Azərbaycanın isə Rusiyadan birbaşa asılılığı var”deyə məsələyə münasibət bildirən ekspert bildirib ki, bu sadəcə Rusiyanın öz ərazisində qoşunlarının dislakasiya yerinin dəyişməsi, yığmasıdır. Məsələyə bu cür məntiqlə yanaşsaq, sabah Azərbaycan tərəfi Qusardakı və ya Xaçmazdakı bölmələrdə hərbi təlim keçirərsə, onda Rusiya tərəfi düşünməlidir ki, Azərbaycan Rusiyaya qarşı hər hansı güc tətbiq etmək istəyir. Məhz buna görə də heç bir narahatçılığa əsas olmadığını”- deyən ekspert mətbuatda gəzən fikirlərin tezliklə ötüb keçəcəyini bildirdi.

Ramilə