Əli Kərimlinin müavini Əbülfəz Qurbanlının istefa verməsi siyasi partiyalar arasında birmənalı qarşılanmayıb. Bununla bağlı mətbuata acıqlama verən BAXCP sədrinin siyasi məsələr üzrə müavini Niyaməddin Orduxanlı bildirib ki, Əli Kərimlinin yanından istefalar olacağını bir müddət öncədən qeyd edib:” Bu cür istefaların olacağını əvvəlcədən demişdim.  Əbülfəz Qurbanlının istefası ilə proses bitməyəcək.  Yeni istefalar olacaq.  Yaxın zamanlarda bunun şahidi olacağıq. Əslində özünə hörmət edən şəsx heç vaxt Əli Kərimli ilə birgə addımlamaz. Bu adamla kimsə uzun yol gedə bilmir.  Səbəb? Əli Kərimlinin şəxsi maraqları . Bu adam insanlara qul kimi baxır.  Bunun düşüncəsinə görə hər kəs bunun üçün çalışmalıdır və buna xidmət göstərməlidir. Əli Kərimlinin feodal təffəkkürlü insandır.  Anındaca öz maraqları üçün istənilən müavini , işcisini ayaqlar altına ata bilir. Əli Kərimli üçün heç bir dəyər yoxdur.  İnsanlar da bunu görürlər və bu səbəbdən də istefa verirlər.  Baxın bu günə qədər  bu adamdan kimlər imtina etməyib ki? Məncə, Əli Kərimli ginnesin rekordlar kitabına da düşə bilər.  Bu adam Azərbaycanın siyasi tarixində  yeganə şəxsdir ki,  kimi özünə müavin təyin edirsə, qısa bir müddətdən sonra həmin şəxslər istefa verib, ondan imtina edirlər.  Əbülfəz Qurbanlı  dördüncü müavinidir ki, istefa verir.  Buna qədər Fuad Mustafayev ,  İbrahim Vəliyev, Asəf Quliyev, Razi Nurullayev istefa vermişdi. Müşavirləri  olmuş Rəsul Mirhəşimli, Şakir Abbasov, Zərifə Məhəddinova  və başqaları da istefa verənlərdi.”