İnanılmaz xilas

Türkiyənin Çanaqqala vilayətinin Ayvacıq rayonundakı Küçükuyu bölgəsində qorxulu olay yaşanıb.

Vətəninfo.az-ın məlumatına görə, Milli.Az DHA-ya istinadən bildirir ki, Küçükuyu çimərliyinə gəlmiş ailə istirahətə başlayıb. Az sonra isə valideynlərin diqqətsizliyi və küləyin nəticəsində 10 aylıq Melda İlgini dalğalar sahildən uzaqlaşdırıb.
Üfürmə "ördək"də olan Meldanı dalğalar uzağa aparanda valideynlər qışqırmağa, köməyə çağırmağa başlayıblar.
Hadisə yerinə çağırılmış Türkiyə Sahil Mühafizəsinin qayığı dərhal Meldanın axtarışlarına başlayıb. TCSG-8 qayığı dalğaların Yunanıstanın Midilli (Lesbos) adasına sürüklədiyi 10 aylıq Meldanı az sonra aşkarlayıb.
Qayıqdan dənizə atılan xilasedicili Meldanı xilas edib.