50 azərbaycanlı avtoritet saxlanılıb

Fevralın 18-i axşam çağı Moskvada iki "qanuni oğru" cəmiyyətinin üzvləri saxlanılıb.

Bu haqda Rusiyanın Daxili İşlər Nazirliyinin rəsmi saytında məlumat verilib. Hər iki koloniyanın üzvlərini ələ keçirtmək üçün əməliyyatlar eyni vaxtda keçirilib. "Qanuni oğru" dünyasının 90 kriminal avtoriteti tutulub.

Paytaxtın şərqində kafelərdən birində 50 azərbaycanlı saxlanılıb. Məlumata görə, həmyerlilərimiz aralarındakı bir nəfərin "qanuni oğru" adı almasını qeyd edirdilər. Polis tərəfindən onların üzərindən bir neçə odlu silah götürülüb.

Moskvanın şimal-qərbində isə Cənubi Qafqaz və Rusiya bölgəsindən olan 40 avtoritet həbs edib. Bu yığıncaqların səbəbi isə hələ aydınlaşdırılmayıb. Şübhəli şəxslərdən çoxlu sayda soyuq və odlu silah ələ keçirilib.

Saxlanılan şəxslər polis şöbəsinə aparılaraq orada onların hansısa cinayətlərdə iştirak edib-etmədiyi araşdırılacaq. Saxlanılan şəxslərin adı çəkilməyib.

azvision.az