1. Miq.az
  2. Aİ və Türkiyə TANAP layihəsini müzakirə edəcək

Aİ və Türkiyə TANAP layihəsini müzakirə edəcək

Aİ və Türkiyə TANAP layihəsini müzakirə edəcək
Tarix: 29.09.2015 17:00
Baxış sayı: 674

Türkiyə və Avropa İttifaqı (Aİ) oktyabrın 1-də Trans-Anadolu Boru Kəməri (TANAP) layihəsini müzakirə edəcək.
Vətəninfo.az "Report"a istinadla xəbər verir ki, bunu Anadolu Agentliyinə Avropa Komissiyasının enerji məsələləri üzrə vitse-prezidenti Maroş Şevçoviç deyib.

Cənub Qaz Dəhlizinin və Cənubi Qafqaz Boru Xəttinin təməlqoyma mərasimində iştirak etdiyini deyən M. Şevçoviç TANAP üçün yardım etməyə hazır olduğunu açıqlayıb.

Avropa Komissiyası üçün enerji təhlükəsizliyi və boru xəttlərinin keçid nöqtələri çox əhəmiyyətli olduğunu deyən M. Şevçoviç bu ilin martın 15-də Türkiyənin enerji və təbii sərvətlər naziri Əli Rza Alaboyun ilə Avropa Komissiyasının iqlim və enerji məsələləri üzrə məsul komissarı Miguel Arias Canete arasında imzalanan "Yüksək səviyyəli enerji dialoqu" çərçivəsində oktyabrın 1-də bir araya gələcəklərini açıqlayıb.

Qeyd edək ki, "Şahdəniz" qazını avropaya daşıyacaq TANAP layihəsində 58% SOCAR-a, 30% BOTAŞ-a, 12% isə BP-yə məxsusdur.



Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az