ALI QOCAYEV SULUTƏPƏ “RAZBORKA”sının QURBANI OLUB

"Vətəninfo.az” musavat.com-a istinadən xəbər verir ki. Binəqədi Rayon İcra Hakimiyyətinin (RİH) başçısı Alı Qocayev Milli Məclisin sədri Oqtay Əsədovun qudasıdır. Bu baxımdan bəzi müşahidəçilər spikerin yaxın adamının Binəqədidən Samuxa göndərilməsini sürgün kimi dəyərləndirirlər. Eyni zamanda Binəqədi hazırda ən çox sosial narazılıqların və şikayətlərin olduğu rayonlardan biridir. Eləcə də hazırda mübahisəli neftli ərazilərin də böyük əksəriyyəti də məhz Binəqədi ərazisinə düşür. Bilindiyi kimi hazırda ARDNŞ ona məxsus olduğunu iddia etdiyi ərazilərdə tikilən evləri qanunsuz elan edərək sökür. Ancaq aydın məsələdir ki, bu evləri icazəsiz tikilməyib. Normal qanunların işlədiyi ölkələrdə birinci növbədə evlərin sökülməsi deyil, həmin evin tikintisinə icazə verən vəzifəli məmurlar cəzalandırılmalı idi. Son zamanlar bəzi hökumət və bələdiyyə vəzifəlilərinin həbs olunması ilə bağlı xəbərlər onu göstərir ki, hökumət nəhayət qanunsuz evlərin tikintisinə icazə verənləri də cəzalandırmaq istəyir. Ehtimal etmək olar ki, Alı Qocayevin işdən çıxarılıb ucqara göndərilməsinin bir səbəbi də ev söküntüləri ilə bağlıdır.