Azərbaycanda çörək brendlərinin yaradılması təklif olunur

"Azərbaycanda çörək brendlərinin yaradılması təklif edilir".

"Report " xəbər verir ki, bunu Bakıda keçirilən aqrar texnologiyalar və yaşıl enerji üzrə Beynəlxalq Forumda ("AgTech and Green Energy”) ekspert Hikmət Abdullayev "Ağıllı Kənd” ("Smart Village") layihəsi ilə bağlı təqdimatında deyib.

O, çörək brendlərinin yaradılması məsələsinin "Ağıllı Kənd" layihəsində nəzərdə tutulduğunu bildirib.

"Dünyada 40-dan çox çörək növünə rast gəlmək mümkündür. Ancaq Azərbaycanda cəmi 4-ə yaxın çörək növü var. Sözügedən problem pendir sahəsində də müşahidə edilir. Belə ki, ölkədə mal, qoyun, keçi pendirdən başqa pendir növü tapmaq mümkün deyil", - H.Abdullayev vurğulayıb.