Azərbaycanın milli mədəniyyət əmlakını ölkədən çıxarmaq istəyiblər

Bakı-İstanbul aviareysi ilə Türkiyəyə getmək üçün Heydər Əliyev Beynəlxalq Hava Limanına gələn Türkiyə vətəndaşı Oğuz Akifin əl yükünə gömrük baxışı zamanı ona məxsus çantadan 68 ədəd qədim sikkə aşkar edilərək götürülüb.

Vətəninfo.az xəbər verir ki, Dövlət Gömrük Komitəsindən “APA-Economics”ə verilən məlumata görə, həmin predmetlər tədqiqat məqsədilə Azərbaycan Milli İncəsənət Muzeyinə göndərilib və muzeyin ekspert rəyinə əsasən, 68 ədəd sikkə orta əsrlərə (XIII-XVII) aid olub, həmin dövr Azərbaycan dövlətçiliyinin pul vahididir və arxeoloji qazıntılarda aşkar edilib.

Həmin əşyalar Azərbaycanın milli mədəniyyət əmlakının Dövlət Siyahısına daxil edilib və onların ölkə ərazisindən aparılmasına icazə verilmir.