Azərbaycanlı rəssamın Ankarada rəsm sərgisi açıldı

Rəssamlar İttifaqının üzvü, Uluslararası Aktivist Sanatçılar Birliyinin Azərbaycan Rəsm Komitəsi başkanı və təmsilşisi rəssam Nəvai Metin Məmmədoğlunun 26 yanvar tarixində Ankarada yerləşən Antigone Sənət Evində fərdi sərgisi açılıb. Sərgi Antigone Sənət Evinin sahibi rəssam Savaş Simitli tərəfindən təşkil edilib. Sərginin açılışında UASB-nin başqanı Ümit Yaşar İşıkhan başda olmaqla birliyin digər üzvləri, Azərbaycanın əməkdər incəsənət xadimi Ziyadxan Əliyev də iştirak edib. Ziyadxan Əliyev çıxış edərək ürək sözlərini söyləyib və rəssama Azərbaycan Rəssamlar İttifaqının Fəxri Fərmanını (takdir belgəsini) təqdim edib. Sərgidə çıxış edənlər vurğulayıb ki, hər iki ölkə arasındakı dostluq, qardaşlıq sənət sayəsində daha da möhkəmlənəcəkdir. Rəssam açılış zamanı canlı performans da sərgiləyib. Tamaşaçılarının gözü önündə çəkilmiş əsər seçim yolu ilə sənətsevərlərdən birinə hədiyyə olunub. Sənət evinin sahibi Savaş Simitli bildirib ki, sənətçilərin canlı performans göstərmələri sərgiyə olan diqqəti daha da artırır. 
Rəssam Nəvai Metin Məmmədoğlunun sərgisi fevral ayının 10-na qədər Antigone Sənət Evində davam edəcək.

Rumiyyə Aslan