Bundan sonra Azərbaycan Mətbuat Şurasının Şikayətlər üzrə Komissiyası tərəflərin iştirakı ilə iclas keçirib. 

İclasda Mətbuat Şurasının media ilə dövlət qurumları arasında körpü rolu oynadığını qeyd edən komissiya üzvləri qərara alıblar ki, tərəflər məsələnin müsbətə doğru həlli istiqamətində müyyən addımlar atmalıdırlar. 

Sayt rəhbərliyi həmçinin bildirib ki, dərc olunmuş yazıların bəziləri digər internet resurslarında və sosial şəbəkələrdə yayıldığından dəqiqləşdirilməsi zaman tələb edib və onların bəziləri operativ xəbər prinsipinə uyğun saytda yerləşdirilib. Bu da bəzi nöqsanların baş verməsinə səbəb olub. 

Araşdırmalardan sonra sayt Şuranın Şikayətlər üzrə Komissiyasının 18 sentyabr 2018-ci il tarixində keçirilmiş iclasının rəyini (Azərbaycan Mətbuat Şurası, 18.09.2018, №157) və "Bakı Metropoliteni" Qapalı Səhmdar Cəmiyyətinin mövqeyini əsas götürərək, bu qurum haqqında müxtəlif vaxtlarda yerləşdirilən materiallarda "Azərbaycan Jurnalistlərinin Peşə Davranışı Qaydaları"nın prinsiplərinin pozulmasını və həmin materiallarda göstərilən faktların subyektiv jurnalist mülahizələrə əsaslandığını qəbul edərək, xəbər saytında bununla bağlı yerləşdirilmiş materialllarla əlaqədar təəssüf hissi keçirdiyini ifadə etməklə müəyyən edilmiş qaydada təkzibin saytda yerləşdirilməsinə təminat verib.