Bakı metrosunda görünməmiş basabas - Yenilənib

Bu gün Bakı metrosunda insanların sıxlığı əvvəlki günlərdən 2,5-3 dəfə çox olub.

Vizual Milli.az-a istinadən bildirir ki, "Dərnəgül" - "Həzi Aslanov" xəttində qatarlar bir neçə dəfə tunellərdə gözləyib.

Metronun "28 May" stansiyasında qatarların hərəkət istiqamətini bildirən məlumat tablosunda yanlış olaraq hər iki istiqamətə ("Dərnəgül" - "Həzi Aslanov" və "Həzi Aslanov" - "Dərnəgül") "Dərnəgül" və "İçərişəhər" elanı verilib.

***

"Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev metrodakı sıxlığın səbəbini belə izah edib:

"Bu gün səhər saat 8-ə qalmış "Həzi Aslanov"-"Dərnəgül" xətti üzrə hərəkət edən qatarlardan birində texniki nasazlıq qeydə alınıb. Lakin qatar əlavə kömək olmadan hərəkətə gəlib, daha sonra isə depoya göndərilib. Məhz bu fakt digər qatarların da nisbətən gecikməsinə səbəb olub. Hələlik nasazlığın səbəbi məlum deyil. Nasaz qatar xətdən çıxarıldıqdan sonra digər qatarların normal hərəkəti bərpa olunub və artıq saat 9:00-dan etibarən tam qrafiki üzrə işləyir. Hazırda stansiyalarda da sərnişin sıxlığı müşahidə olunmur"./Milli.az