Miq.Az Teleqraf.com-a istinadən xəbər verir ki, Cons keçən həftə Madriddə keçirilən NATO sammitinin nəticələri ilə bağlı jurnalistlərə məlumat verib.

Bu sammitdə Rusiya-Ukrayna müharibəsi səbəbiylə NATO-nun daha da bir-birinə bağlı ittifaqa çevrildiyinin görüldüyünü deyən amerikalı diplomat Finlandiya və İsveçin alyansa rəsmi dəvəti "tarixi addım” adlandırıb.

Cons Prezident Ərdoğan və Baydenin Madriddəki görüşündən sonra Türkiyənin F-16-ların alınması və mövcud qırıcıların modernləşdirilməsi tələbi ilə bağlı prosesin necə irəliləyəcəyi ilə bağlı da danışıb.

O, F-16 mövzusunun uzun müddətdir gündəmdə olduğunu və ABŞ rəhbərliyinin Ankaranın tələblərini dəstəklədiyini bildirib:

"Bayden bu satışı dəstəkləyir. Bununla belə, Bayden açıq şəkildə bildirib ki, bu məsələdə Konqresin təsdiqi lazımdır. İki lider bu barədə danışıblar və sammitdən sonra hökumətimizin mövqeyi dəyişməyib, bu satışı dəstəkləyirik və Bayden bununla bağlı Konqreslə işləməyə hazır olduğunu bildirib”.