Avropa.info  xəbər verir ki, bundan əvvəl də  Türkiyəni qarışdırmaq üçün məzhəb qarşıdurmasını qızışdıran BBC, bu dəfə birbaşa prezident Ərdoğanı hədəfə götürüb.

BBC-də Türkiyədəki  çevriliş cəhdini analiz edən  Sky News diplomatiya redaktoru Tim Marshall çevriliş edənlərin ən böyük  səhvinin Ərdoğanı öldürməmək olduğunu deyib.

"Çevrilişçilərin etmələri lazım olan iş  tez bir zamanda ya Ərdoğanı öldürmək, ya da həbs etmək idi. Çevriliş edənlərin etdiyi şeylərin çoxu doğrudur, çevriliş  cəhdi etməklə  düzgün addım atıblar" deyən Tim Marshall hərbi xunta qurmaq istəyənləri dəstəkləməklə skandala imza atıb.

BBC-nin efirində yayımlanan bu proqrama Türkiyədən cavab gecikməyib. Müdafiə naziri Fikri İşıq İngiltərə müdafiə naziri  Michael Fallona öz etirazını çatdırıb. İşıq BBC-nin FETO terror təşkilatının törətməyə çalışdığı dövlət çevrilişi cəhdini dəstəklədiyinə görə, kədərləndiklərini ingiltərəli həmkarının diqqətinə çatdırıb.

İngiltərə Müdafiə naziri Michael Fallon isə  dövlət çevrilişi cəhdinin qarşısının alınmasını məmmuniyyətlə qarşıladıqlarını deyib.