“Biletlər hələ var, lakin onlar bahalıdır”

Bakıda keçiriləcək Avropa Oyunlarına biletlərə böyük tələbat var, satışda yalnız az sayda bilet qalıb.

Vətəninfo.az Oxu.Az-a istinadla  xəbər verir ki, bu barədə Azərbaycanın Gənclər və İdman Nazirliyinin idman şöbəsinin baş məsləhətçisi Rafiq Rzayev TASS-a müsahibəsində deyib.
Onun sözlərinə görə, satışda açılış mərasimi və tribunalarda prestijli yerlərə hələ bahalı biletlər qalıb.
“Kassalarda biletlər hələ var. Lakin sizə deyim ki, onların əksəriyyəti satılıb, xüsusən də çox bahalı olmayanlar. Açılış mərasimi və tribunalarda ən prestijli yerlərə satışda hələ biletlər var”, - nazirlik rəsmisi deyib. 
Onun sözlərinə görə, gimnastika və güləş üzrə yarışlara xüsusi maraq var.
Rzayev etiraf edib ki, Soçidə Bədən tərbiyəsi və İdman Şurasının iclasının iştirakçıları ondan “artıq bilet” xahiş ediblər.
“Mən onlara dedim ki, biletlər hələ var, amma onlar bahalıdır”, - o deyib.