Bu gün Bakıda daha iki yol bağlanacaq

Nəqliyyat Nazirliyinin “Azəryolservis” ASC tərəfindən Bakı şəhərində nəqliyyat vasitələrinin hərəkətinin tənzimlənməsi məqsədi ilə yol cizgiləri xətlərinin, piyada keçidlərinin və yolgöstərici xətlərin yenidən rənglənməsi işləri həyata keçirilir.
Vətəninfo.az  xəbər verir ki, “Azəryolservis” ASC-nin “Report”a verdiyi məlumata görə, bu gün saat 22:00-dan səhər saatlarınadək Yasamal rayonunun İnşaatçılar prospekti və Landau küçəsində yolun hərəkət hissəsinin üfüqi nişanlanma xətlərinin rənglənməsi işləri aparılacaq. Bu səbəbdən göstərilən müddət ərzində sözügedən ərazidə nəqliyyat vasitələrinin hərəkəti hissə-hissə qismən məhdudlaşdırılacaq.