ABŞ-ın keçmiş prezidenti Corc Buşun siyasəti Yaxın Şərqdə indiki qeyri-stabilliyə səbəb olub.

 

Axar.az xəbər verir ki, bu sözləri öz Tvitter səhifəsində ABŞ prezidentliyinə Demokratlar Partiyasından olan keçmiş namizəd Berni Sanders paylaşıb.

 

Onun sözlərinə görə, məhz ABŞ-ın İraqa müdaxiləsi dünyanı indiki vəziyyətə salıb.

 

Qeyd edək ki, prezident Buşun dövründə ABŞ İraqa daxil olub. Nəticədə İraq prezidenti Səddam Hüseyn devrilib və edam olunub. Məhz həmin dövrdən bu yana İraqda hələ də sabitlik bərpa oluna bilmir və ölkə parçalanmanın astanasındadır.