Dünya liderləri yürüşə qatılmaq üçün Parisə gəlməkdədirlər

17 nəfərin ölümü ilə nəticələnən hücumlardan sonra bazar günü Parisdə kecəcək yürüşə 40-dək dünya liderinin qatılacağı gözlənilir.

Vətəninfo.az xəbər verir ki, Bazar günü Paris aksiyasına qatılacağını Almaniya, Britaniya, İordaniya, İsrail və Fələstin liderləri bildiriblər.

Rusiya nümayəndə heyətinə xarici işlər naziri Sergey Lavrov başçılıq edəcək. Ukraynanı prezident Petro Poroşenko təmsil edir.

Şənbə günü Fransanın müxtəlif şəhərlərində keçən yürüşlərdə 700 min adamın iştirak etdiyi xəbər verilir. Şənbə günü Fransa böyunca keçən yürüşlər təqribən 700 min adamı cəlb edib. Bazar günü keçəcək aksiya iştirakçılarının təhlükəsizliyini təmin etmək üçün 2,000 polis və 1,350 əsgərin cəlb olunduğu xəbər verilir. Məlumatda Parisdə yerləşdirilmiş polislərin ümümi sayının 5500-dən artıq olduğu bildirilir.

Fransanın daxil işlər naziri aksiyanın qorunması üçün fövqəladə addımların atıldığını deyib.Şənbə günü Fransa böyunca yürüşlər təxminən 700 min adamı cəlb edib.

Ən izdihamlı aksiya Tuluz şəhərində keçib. Parisdəki yürüşə qatılanlar Respublika Meydanında Charlie Hebdo satirik jurnalına hücumda öldürülmüş jurnalistlərlə həmrəyliyi simvolizə edən qələmlər qoyublar. Bu arada polis Charlie Hebdo redaksiyası və Parisdəki mağazaya hücum edənlərlə bağlı olan şəxslərin axtarışını davam etdirir.