Dövlət Rus Dram Teatrımız Gürcüstana gedir

Səməd Vurğun adına Azərbaycan Dövlət Rus Dram Teatrının kollektivi Mədəniyyət və Turizm Nazirliyinin dəstəyi ilə aprelin 22-dən 25-dək Gürcüstanda qastrol səfərində olacaqdır. “Vətəninfo”ya teatrdan verilən məlumatda deyilir ki, kollektiv A.S.Qriboyedov adına Tbilisi Rus Dram Teatrının səhnəsində dahi mütəfəkkir Mirzə Fətəli Axundzadənin “Müsyö Jordan və Dərviş Məstəli şah” tamaşası ilə çıxış edəcəkdir.Tamaşanın quruluşçu rejissoru Xalq Artisti Aleksandr Şarovski, kostyum üzrə rəssam, Əməkdar İncəsənət Xadimi Fəxriyyə Xələfova, dekorasiya rəssamı Əməkdar Rəssam Tahir Tahirov, quruluşçu rəssamı isə Nikita Sazonovdur (Sankt-Peterburq). Əsas rolları xalq artistləri Məbud Məhərrəmov, Səfa Mirzəhəsənov, əməkdar artistlər Nataliya Şarovskaya, Fuad Osmanov, Mələk Abbaszadə və başqaları ifa edəcəklər.