Ebolaya qarşı peyvəndlər Afrikaya göndərildi

İngiltərə və ABŞ-ın birgə istehsalı olan Ebola peyvəndinin ilk partiyası ölümcül virusun yayıldığı Liberiyaya yola salınıb.

Publika.az-ın xarici mətbuata istinadən verdiyi məlumata görə, bu barədə İngiltərənin dərman istehsalçısı olan “Glaxo Smith Kline” (GSK) şirkəti bildirib.

Liberiyaya göndərilən peyvəndin ilk partiyası 300 dozadır. Peyvəndin sınaqları İngiltərə, ABŞ, İsveçrə və Malidə sağlam 200 könüllü üzərində aparılıb. Liberiyada təxminən 30 min könüllünün peyvənd edilməsi nəzərdə tutulur.

Növbəti aylarda isə peyvəndlərin Ebola virusu yayılan digər Afrika ölkələrinə göndərilməsi planlaşdırılır.