Əfqanıstanın şəriqində qızlar məktəbi partladılıb

Əfqanıstanın şərqində yerləşən Nanqahar əyalətindəki qızlar məktəbində partlayış baş verib.

Vətəninfo.az-ın məlumatına görə, "Report" "Khaama Press"-ə istinadən xəbər verir ki, bunu əyalətin təhsil işləri üzrə idarəsinin təmsilçisi Məhəmməd Asif Şirinvari bilidirib.

Onun sözlərinə görə, hadisə gecə saatlarında bölgənin Şiva qəsəbəsində vaş verib. Partlayış nəticəsində məktəbin binası tamamilə dağılıb, oradakı dərs vəsaitləri və sənədlər məhv olub.

Məktəbdə 850 qız təhsil alırmış. Ölən və xəsarət alanlar barədə məlumat yayılmayıb.

Partlayışın məsuliyyətini isə heç bir silahlı qruplaşma üzərinə götürməyib. Hazıra araşdırma aparılır.

Məlumata əsasən, son 6 ayda Əfqanıstanın şərqində 6-cı dəfədir məktəbə basqın edilir.