“Əl-Cəzirə” televiziya kanalı casus sirlərini ifşa edəcək

“Əl-Cəzirə” Qətər telekanalı “Casus xətləri” (The Spy Cables) layihəsinin buraxılışını elan edib. Layihə çərçivəsində müxtəlif ölkələrin xüsusi xidmətlərindən redaksiyanın əlinə keçən məxfi sənədlər çap olunacaq.

Vətəninfo.az xəbər verir ki, Britaniya Guardian qəzeti ilə birgə layihənin tətbiq edilməsi haqqında məlumat telekanalın saytında dərc edilib.

Kanal Cənubi Afrika Respublikası Dövlət Təhlükəsizlik Agentliyi operativ əməkdaşları tərəfindən tərtib edilmiş 2006-cı ildən 2014-cü ilin dekabr ayınadək alınan sənədləri dərc edəcəyini vəd edir.

O cümlədən, Cənubi Afrika xüsusi xidməti ilə ABŞ Mərkəzi Kəşfiyyat İdarəsi, Britaniya MI-6, İsrailin Mossad və Rusiyanın Federal Təhlükəsizlik Xidməti arasında məxfi məktublaşma təqdim ediləcək.

Edward Snowden-in yaydığı elektron kəşfiyyata aid məlumatlardan fərqli olaraq, “Əl-Cəzirə” layihəsi insan faktoru üzərində cəmlənir. Söhbət “canlı” kəşfiyyatçıların alıb-ötürdükləri məlumatlardan gedir.

Başlanğıcı yaxın günlərdə nəzərdə tutulan layihə xüsusi xidmətlərin gündəlik işini təsvir edər, “casusluq aləminin kulis arxasına” nəzər salmaq imkanı verər.