Ermənilər Bakıda konsert verəcək

Ermənistan Dövlət Gənclər Orkestrinin 10 musiqiçisi “I, Culture Оrchestra” layihəsi çərçivəsində Bakıda konsert proqramı ilə çıxış edəcəklər.

APA-nın “Armenpress”ə istinadən yaydığı məlumata görə, layihə çərçivəsində erməni musiqiçilərin Lyublyana, Varşava, Minsk, Kiyev, Kişinyov, Tiflis və Bakıda konsertləri nəzərdə tutulur. 

Konsertlər avqustun 24-dən sentyabrın 2-dək keçiriləcək. “I, Culture Оrchestra” - Adam Mitskeviç İnstitutu tərəfindən yaradılmış layihədir və 2011-ci ildə Polşanın Avropa Birliyinə sədrliyi dövründə mədəni mübadilə proqramlarının əsas elementlərindən sayılır. 

Bu layihə “Şərq Tərəfdşlığı” proqramı çərçivəsində iştirakçı ölkələrin gənc musiqiçilərini bir araya gətirməyi nəzərdə tutur.