Ermənilər Parisdə azərbaycanlı qadına hücum etdilər

Erməni diasporunun Parisdə Dağlıq Qarabağa dair təşkil etdiyi tədbirdə qalmaqal baş verib.
Vətəninfo.az  ANS PRESS-ə istinadən xəbər verir ki, diaspor üzvü olan tarixçi Mutafyan Dağlıq Qarabağın işğalından danışan qadını təhqir edib.
Ermənilərin toplantısı onların Azərbaycanın əzəli torpaqlarının işğalına haqq qazandırmaq məqsədilə keçiriblər.
Tədbirə Azərbaycan vətəndaşı da qatılıb. O, Parisdə fəaliyyət göstərən və türk əsilli vətəndaşların Fransadakı siyasi həyata qatılmaları yönündə iş aparan "Objectif 21" dərnəyi rəhbərlərindən Tahsin Tek və Julien Yurdakul ile birlikdə gəlib.
Qadın toplantıya qatılanlara Dağlıq Qarabağla bağlı BMT-nin qətnamələrini xatırladıb. Azərbaycanlı qadının verdiyi suallar onların əsəbləşməsinə səbəb olub. Lakin "tarixçi" olan Klaude Mutafyan qadının sualından əsəbləşərək onun üzərinə hücum etmək istəyib.
Tahsin Tekin "Sakit olun. Qarşınızda bir xanım var" sözlərindən sonra o geri çəkilməyə məcbur olub. Lakin təhqirlərinə davam edib.
Həqiqətləri açaraq ermənilərə od qoyan qadının ermənilərin Azərbaycan torpaqlarından çıxmaları barədə dedikləri onlara xoş gəlməyib. Toplantıda mübahisə başlayıb.
Lakin bir neçə dəqiqə sonra ətrafları tamamilə ermənilərlə dolan "Objektif 21" sədrləri və azərbaycanlı qadın təhlükəsizliklə bağlı olaraq binanı tərk ediblər.
Daha sonra Doğan xəbər agentliyinə açıqlama verən Tahsin Tek usanmadan Dağlıq Qarabağla bağlı reallıqları Fransa ictimaiyyətinə çatdırmağa çalışacaqlarını deyib.