Ermənistan çıxılmaz vəziyyətə düşəcək

Regionda dondurulmuş münaqişələrin mövcudluğu Azərbaycanın, eləcə də Gürcüstanın inkişafına mane olur.

Vətəninfo.az-ın məlumatına görə, bunu cümə axşamı Tbilisidə Azərbaycanın xarici işlər naziri Elmar Məmmədyarov gürcü həmkarı Tamar Beruçaşvili ilə birgə mətbuat konfransında deyib.

E.Məmmədyarov bildirib ki, Ermənistan-Azərbaycan, Dağlıq Qarabağ münaqişəsi təkcə Azərbaycanın inkişafına mane olmur, həm də Yerevanı çıxılmaz vəziyyətdə qoyacaq: "Çünki Yerevan belə şəraitdə irimiqyaslı regional layihələrdə iştirak edə bilmir".

O, qeyd edib ki, əgər Ermənistan təcavüzkar siyasətindən əl çəksə, Bakı-Tbilisi-Qars dəmiryolunun tikintisi layihəsinin iştirakçısı ola bilər.

Xatırladaq ki, Azərbaycanın XİN rəhbəri cümə axşamı iki günlük rəsmi səfərlə Gürcüstana gəlib.