Ermənistanın RLS arzusu

Ermənistanın müdafiə naziri Seyran Ohanyan bildirib ki, Ermənistanın ərazisində Rusiya RLS-in yerləşdirilməsinə qarşı olmazdı. Trend-in məlumatına görə, Ohanyan RLS-lə bağlı Rusiya ilə danışıqlar aparıldığını deyib: "Bu, hər bir dövlətin daxili məsələsidir. Biz bütün prosesi izləyirdik və gördük ki, danışıqlar çərçivəsində qarşılıqlı anlaşma əldə olunmadığı üçün Qəbələ RLS dayandırıldı".

Onun sözlərinə görə, Rusiya rəhbərliyi və Silahlı Qüvvələri RLS-i harada quraşdırmaq və yerləşdirməyi özləri həll etməlidirlər.

"Əgər söhbət bizim razılığımızdan və ya narazılığımızdan gedirsə, biz bunun əleyhinə olmazdıq", - Ohanyan deyib.

Veteninfo.az