Etibar Pirverdiyevin hasarı söküləcək-Mingəçevirdə

Vətəninfo.az-ın   17/11/2014  tarixdə “Etibar Pirverdiyev Mingəçevirdə böyük bir ərazini hasarlatdırıb – VİDEO” başlıqlı məlumat yayımladıqdan sonra, rəsmi dairələrin  “Azenerji” ASC-nin prezidentinin bu qeyri-qanuni hərəkətlərinə və qanuna zidd addımlarına münasibət bildirəcəyini gözləyirdik.  Eyni zamanda “Azenerji” ASC-nin prezidentinin  də məsələyə aydınlıq gətirəcəyini düşünürdük. Yayımladığımız məlumatdan uzun bir vaxt keçməsinə, Etibar Pirverdiyev Mingəçevirdə Təbriz küçəsində bir qrup vətəndaşı evsiz qoymaqdan həzz aldığından gözlərini yumub, yazılanları görməzdən gəlməsi tilsimi deyəsən sındırılır.

Vətəninfo.az-a Mingəçevirdən daxil olan məlumatda qeyd edilir ki, Etibar pirverdiyevin qanunsuz olaraq hasarlatdığı ərazilər əlindən alınır və bu milyonlar xərclənərək inşaa edilən hasarlar uçurulacaq.  Məlumata görə artıq Mingəçevir şəhər İH-nə bununla bağlı rəsmi göstəriş daxil olub və yaxın günlərdə Pirverdiyevin qala divarları söküləcək.

Vətəninfo.az