Etirazçılar Sərkisyana ultimatum verdi

İrəvanın mərkəzində elektrik enerjisi tariflərinin bahalaşmasına qarşı etiraz edənlər Ermənistan prezidentinə ultimatum veriblər.

"Trend"in "RİA Novosti" agentliyinə istinadən verdiyi məlumata görə, etirazçılar elektrik enerjisi tariflərinin artımı haqqında qərarın avqustun 1-dək ləğv edilməsini tələb edirlər.

Etirazçılar iyunun 23-ü və iyulun 6-da keçirilmiş aksiyalarda nümayiş iştirakçıları və jurnalistlərə qarşı zor tətbiq etmiş polis əməkdaşlarının cəzalandırılmasını da tələb edirlər.

Qeyd edək ki, iyunun 19-dan İrəvanda elektrik enerjisi tariflərinin 16 faiz bahalaşmasına qarşı etiraz aksiyaları keçirilir.

Vətəninfo.az