GÖRKƏMLİ ALİM, SABİQ DÖVLƏT KATİBİ MİDHƏT ABASOV VƏFAT EDİB

Akademik Midhət Abasov vəfat edib. "Vətəninfo.az" “Musavat.com"a istinadən veridiyi məlumatına görə, 85 yaşlı Midhət Abasov aprelin 24-nə keçən gecə dünyasını dəyişib.

Midhət Abasov 1926-cı ildə doğulub. Azərbaycan Sənaye İnstitutunu (indiki Dövlət Neft Akademiyası) bitirib. 38 yaşında texnika elmləri doktoru elmi dərəcəsi alıb.

1980-ci ildən Azərbaycan Milli Elmlər Akademiyasının həqiqi üzvü olub. Akademiyanın vitse-prezidenti (1990-1997), Dərin Neft-Qaz Yataqları İnstitutunun direktoru (1971-2003) postlarını tutub. 2003-cü ildən Geologiya İnstitutunda çalışıb.

Azərbaycan dövlət mükafatı laureatı, əməkdar elm xadimidir. 700-ə yaxın elmi əsərin, 20 monoqrafiyanın müəllifidir.

1991-1992-ci illərdə dövlət katibi vəzifəsini tutub.

Allah rəhmət eləsin!