Bakı Ağır Cinayətlər Məhkəməsində oğurluqda təqsirli bilinən 1982-ci il təvəllüdlü Aynurə Əliyevanın cinayət işi üzrə məhkəmə prosesi başa çatıb.

Vətəninfo.az-ın Lent.az-a istinadən məlumatına görə, hakim Azad Məcidovun sədrliyi ilə keçirilən prosesdə hökm oxunub. Hakimlər kollegiyasının hökmünə əsasən, Aynurə Əliyeva 8 il müddətinə azadlıqdan məhrum edilib.

Qeyd edək ki, bu il Aynurə Əliyeva Keşlə qəsəbəsində yerləşən gözəllik salonunda işləyən İradə İsmayılovaya məxsus çantadan qızıl-zinət əşyalarını gizli yolla talayaraq oğurlayıb.