İdrak Abbasov hədələnir

Bakının Sulutəpə qəsəbəsində döyülərək xəstəxanaya düşən jurnalist İdrak Abbasov hədələndiyini bildirir. “Vətəninfo”nnn bəlumatına görə, jurnalist “Azadlıq” radiosuna deyib ki, aprelin 19-da mobil telefonuna gizli nömrədən zəng gəlib: “Danışan şəxs adının Kərim olduğunu dedi. Mən Binəqədi Rayon Polis İdarəsində Kərim adlı bir nəfər tanıyıram, ya o idi, ya da başqası onun adından istifadə etdi. Hədə tonunda danışdı, guya günah məndə olub. Düzü, qorxdum və halım pisləşdi. Həkimlər yardım etdilər”. İdrak Abbasov ailəsinin təhlükəsizliyinə görə narahat olduğunu vurğulayıb: “Ailəmizin qorunması üçün rəsmi qurumlara müraciət etmişəm. Evimizin ətrafında şübhəli maşınlar dolaşır. Evdəkilər də qorxur. Müxtəlif hədə-qorxular edilir, mesajlar göndərilir”.