İki milyard avro itl-pişiyə "yem" oldu...

Son beş ildə Avropada evdə saxlanılan it və pişiklər ümumilikdə 1,5 milyard funt dəyərində (2,1 milyard avro) qacet korlayıblar. Şirkət 16 min ev heyvanı sahibini sorğuya cəlb edib

Oxu.Az xəbər verir ki, bu məlumatı Britaniyanın “Mirror” nəşri texnikanın xəsarətdən qorunması məsələləri üzrə sorğular keçirən SquareTrade şirkətinin məruzəsinə istinadən bildirib.
Ən ziyanverici amil isə Britaniya ailələrinin sevimli dördayaqlı dostları olub, onlar sahiblərinə 358 milyon funt (0,5 milyard avro) məbləğində zərər vurublar. Onlar Britaniyada evlərin 14 faizində telefon, planşet, noutbook-u korlayıblar.
Məruzədə qeyd edildiyi kimi xəsarətin əsas səbəbi it və pişiklərin bu qacetləri oyuncaq hesab edərək çeynəmələridir. Bundan başqa, heyvanlar qurğuları yerə salır, üzərinə maye dağıdır və onların üstündə qaçırlar.
“Ev heyvanlarının sahibləri təsadüfən it üçün bahalı sümük parçasına çevrilən telefon, planşet və digər portativ qurğuların təmirinə külli miqdarda pul xərcləyirlər”, - SquareTrade şirkətinin Avropa ofisinin direktoru Kevin Gillan (Kevin Gillan) qeyd edib.
Araşdırma üçün şirkət 16 min ev heyvanı sahibini sorğuya cəlb edib.

Vətəninfo.az