İlhamə quliyeva əsgərlərə konsert verib

Xalq artisti İlhamə Quliyeva düşmənlə təmas xəttində xidmət edən hərbi qulluqçular qarşısında “Səni tərənnüm edirəm, Azərbaycan əsgəri” adı altında canlı konsert proqramı ilə çıxış edib.

Vətəninfo.az  APA-ya istinadən xəbər verir ki, konsert Silahlı Qüvvələrin Şəmkir korpusunda Heydər Əliyev Mərkəzinin nəzdindəki “Əsgər” konsert salonunda baş tutub.

 
İ. Quliyeva bildirib ki, konsert onun şəxsi təşəbbüsü əsasında keçirilib: “Konsert uğurla başa çatıb. Fürsətdən istifadə edib, mənim təşəbbüsümü qiymətləndirən müdafiə naziri, general-polkovnik Zakir Həsənova, korpus komandiri, Milli qəhrəman, general-leytenant Rövşən Əkbərova təşəkkürümü bildirirəm. Bir daha əmin oldum ki, ordumuz yenilməzdir”.

 
İ. Quliyeva əsgərlər qarşısında yenə də  çıxış edəcəyini deyib: “Növbəti səfərim isə Fövqəladə Hallar Nazirliyinin tabeliyində olan hərbi hissələrin birində baş tutacaq”.