İranın xarici işlər naziri Məhəmməd Cavad Zərif 2003-cü ildə ABŞ-ı İraqla müharibəyə sürükləyənlərin bu səfər İranla müharibəyə başlamasına çalışdıqlarını iddia edib: "2003-cü ildə ABŞ ilə İraq arasında mühribəni başladanların bu səfər İranla müharibənin başlamasına çalışdıqları görünür. Bu, onlar üçün intihar olacaqdır. Tramp hökumətindəki bəzi şəxslər intihar kimi olacaq bir müharibəyə başlamağa çalışırlar. İran heç bir zaman heç bir ölkə ilə döyüşmək istəməyib və istəməyəcək. Lakin ABŞ İrana qarşı hansısa bir toqquşmaya başlayarsa, bütün gücümüzlə milli mənafeyimizi və ölkəmizi qoruyacağıq”.