Milli mətbuatımızın 140 illik yubileyi qeyd olunub

Vətəninfo.az  AZƏRTAC-a istinadla xəbər verir ki, AAB-nin mətbuat xidmətinin rəhbəri Musa Nəbioğlu qurumun sədri, xalq şairi Zəlimxan Yaqubun adından tədbir iştirakçılarını salamlayaraq jurnalistlərin peşə bayramını təbrik edib.
Çıxış edənlər Azərbaycan mətbuatının yaranma tarixi, keçdiyi çətin və şərəfli yol, ölkəmizdə mətbuata göstərilən dövlət dəstəyi barədə danışıblar.
Ölkə başçısının mətbuata göstərdiyi diqqət və qayğı xüsusi qeyd edilib, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun yaradıldığı bildirilib.
Tədbirdə bir qrup jurnalistə AAB tərəfindən ilk dəfə təsis olunan Azərbaycan Aşıqlar Birliyinin diplomları təqdim olunub.
Mükafatlandırılanlar sırasında AZƏRTAC-ın əməkdaşı da var.