Jurnalistə sillə vuran işçi qovuldu

Səudiyyə Ərəbistanının Kralı Mərasim təşkilatçısını işdən çıxarıb.

Vətəninfo.az ANS PRESS-ə istinadən bildirir ki, iki Müqəddəs Ocağın Xadimi, Səudiyyə Ərəbistanının Kralı Salman bin Əbdüləziz Əl Səud Kral Mərasim təşkilatçısı Məhəmməd bin Əbdürrəhman ət-Tabişini jurnalistə sillə vurduğu üçün işdən kənarlaşdırıb. Onun yerinə isə Xalid bin Saleh əl-Abbadın təyin edildiyi bildirilib.
Ölkənin rəsmi xəbər agentliyi kralın bu qərarının səbəbini Tabişinin jurnalistə pis davranması kimi təqdim edib.
Kral Səlmanın Mərakeş Kralı 6-cı Məhəmmədi qarşılaması əsnasında Tabişi bir jurnalistə sillə vurması anı kameralar tərəfindən qeydə alınıb.
Qeyd edək ki, Tabiş mərhum Kral Əlahəzrət Abdullah bin Əbdüləziz Al Səud tərəfindən 2013-ci ildə səbəb göstərilmədən vəzifədən çıxarılmışdı. O, 3 ay sonra təkrar eyni vəzifəyə gətirilmişdi.