İdmançı bu videoya görə məsuliyyət daşıyırmı?

Hüquqşünas Taleh Xasməmmədov məsələ barədə Unikal.org-a açıqlamasında qeyd edib ki, idmançı ilə bağlı xüsusi ittiham qaydasında məhkəməyə müraciət olunarsa, Kamil Zeynallı məsuliyyətə cəlb edilə bilər: "KİV-də yayılmış təhqirə görə CM-nin 148-ci maddəsi ilə məsuliyyət yaradır. Təhqir olunan şəxs xüsusi ittiham qaydasında Kamil Zeynallıdan məhkəməyə şikayət edərsə, idmançı məsuliyyətə cəlb oluna bilər. Şikayət edilmədən onun məlum videosu ilə bağlı heç bir cinayət işi başlana bilməz”.

Qeyd edək ki, Cinayət Məcəlləsinin 148-ci maddəsində göstərilir ki, təhqir, yəni kütləvi çıxışlarda, kütləvi nümayiş etdirilən əsərdə və ya kütləvi informasiya vasitəsində şəxsiyyətin şərəf və ləyaqətini nalayiq formada qəsdən alçaltma, üç yüz manatdan min manatadək miqdarda cərimə və ya iki yüz qırx saatadək müddətə ictimai işlər və ya bir ilədək müddətə islah işləri və ya altı ayadək müddətə azadlıqdan məhrum etmə ilə cəzalandırılır.