Hindistanın Kəşmir və Cammu vilayətlərində müsəlman etirazçılarla təhlükəsizlik qüvvələri arasında baş verən toqquşmada 15 nəfər həlak olub, 200-dən çoxu isə yaralanıb.

 

Axar.az xəbər verir ki, bu barədə "NTDV” məlumat yayıb

 

Məlumata görə, "Hizbul-Mücahid” qruplaşmasının fəalı Burxan Müzərrəf və daha 2 aktivistin bir neçə gün əvvəl polislə toqquşmada öldürülməsinə etiraz olaraq əhali hökumətə qarşı etirazlara başlayıb.

 

Məlumata görə, yüzlərlə müsəlman etirazçı polis məntəqələrinə və etnik azlıqların nümayəndəliklərinə hücum edib.

 

Hökumət qüvvələrinin etirazçıların qarşısını almaqda çətinlik çəkdiyi bildirilib.

 

Qeyd edək ki, Cammu və Kəşmir vilayətləri müsəlmanların çoxluq təşkil etdiyi ərazilərdir.