Kılıçdaroğlu baş nazir olmaq istəyir

Koalisiya formulunda kilid partiya halına gələn Cümhuriyyət Xalq Partiyası (CHP) Ədalət və İnkişaf  Partiyası (AKP) və digər partiyalarla qurulacaq koalisiya variantlarını müzakirə etmək üçün  iyunun 15-də öz məclisini yığacaq. Yığıncaqda partiyanın koalisiya və bundan sonra izləyəcəyi yol xəritəsinin dəqiqləşdirilməsi gözlənilir.
“Habertürk”ün xəbərinə görə CHP-nin AKP, ya da digər partiyalarla qurulacaq koalisiyada izləyəcəyi yol və bazarlıq masasına gətirəcəyi məsələlər belədir:
- Dəyişkən baş nazirlik sistemi tələb ediləcək. 2 il Kılıçdaroğlu baş nazir olacaq.
- Məclisin sədrliyi CHP-yə veriləcək.
- Koalisiyada “böyük, kiçik ortaq” olmayacaq, nazirliklər bərabər paylanacaq.
- Ədliyyə, Daxili İşlər, Milli Təhsil nazirliklərinin CHP-yə verilməsi şərt olaraq tələb ediləcək.
-17-25 dekabrla əlaqədar materiallar parlamentdə açılacaq. 4 keçmiş nazirlə əlaqədar istintaq komissiyası qurulacaq.
- Sui-istifadələrlə əlaqədar addımlar parlamentin yoxlama səlahiyyəti daxilində qiymətləndiriləcək.
- Təqaüdçüyə 2 maaş hədiyyə hökumət qurulduqdan sonrakı ilk dini bayramda veriləcək.
- Minimum məvacibin 1500 türk lirəsi edilməsi və kəndliyə mazutun 1,5 lirəyə satılması bir il içində həyata keçiriləcək.

CHP, MHP və HDP variantı

- Baş nazir Kılıçdaroğlu olacaq və onun başçılığında hökumət qurulacaq.
- MHP koalisiyaya girsə nazirliklər və baş nazir köməkçilikləri paylaşılacaq.
- Lazım olsa, Məclisin rəhbərliyi MHP-yə, Məclisdəki bəzi komissiyanın rəhbərlikləri HDP-yə veriləcək.

Modern.az