Kino xadimlərinə fəxri adlar verildi

2 avqust Azərbaycan Milli Kino günü kimi qeyd olunur.

Azərbaycan kino sənətinin tarixi 1898-ci il iyunun 21-dən başlayır. İlk filmlər fotoqraf və nasir Aleksandr Mişon tərəfindən çəkilmiş xronika süjetləri ("Bibiheybətdə neft fontanı yanğını", "Balaxanıda neft fontanı", "Şəhər bağında xalq gəzintisi", "Qafqaz rəqsi" və s.) və bir bədii kinosüjetdən ("İlişdin") ibarət idi.

Bu günlə bağlı Azərbaycan prezidenti İlham Əliyev kino xadimlərinin “Tərəqqi” medalı ilə təltif edilməsi haqqında sərəncam imzalayıb.

Azərbaycan kinematoqrafiyasının inkişafındakı xidmətlərinə görə Əməkdar İncəsənət xadimi Varnovski Yuri Yuryeviç, Əməkdar artist Orucova Nahidə Mülük qızı, Əməkdar Mədəniyyət işçisi Əliyev Faiq Məmmədəli oğlu, Həsənov Çingiz Fehruz oğlu, Həsənova Gülnarə Əlibaba qızı, Pişiyari Xuraman Böyükağa qızı, Roqova Berta Abramovna, Şneyer Natalya Borisovnaya Azərbaycan Respublikasının fəxri ad verilib.

Qeyd edək ki, Ümummilli lider Heydər Əliyevin 18 dekabr 2000-ci il tarixli sərəncamı ilə 2 avqust Azərbaycanda Milli Kino Günü kimi qeyd olunur.