Komitə sədrindən Gədəbəy rəhbərinə zərbə

Gədəbəyin icra başçısı Ramiz Yediyarov idman olimpiya kompleksini zəbt etməyə çalışır.

VİZUAL.azdia.az-a istinadla xəbər verir ki, Ramiz Yediyarov kompleksin viran qoyulması istiqamətində planlı tədbirlər həyata keçirməyə başlayıb.

Bu ərazidə otel kompleksi tikməyi planlaşdırırmış. Həm də tək yox, özünün yaxın dostu, Bakının Binəqədi Rayon İcra Hakimiyyətinin başçısı Xaləddin İsgəndərovla şərik.

Amma bunun üçün ilk növbədə həmin ərazini alıb özəlləşdirmək tələb olunurdu. Buna görə də, 2012-ci ildən başlayaraq Ramiz Yediyarov öz əlaltılarına kompleksi tədricən, hissə-hissə sökmək barədə tapşırıq verir.

Bundan sonra, Ramiz Yediyarov kompleksin özəlləşdirilməsini həyata keçirmək üçün, Əmlak Məsələləri Dövlət Komitəsinə müvafiq məktub da hazırlayıb təqdim edir. Ən maraqlısı da budur ki, kompleksi "almaq” üçün müraciət etmiş vətəndaş da Xaləddin İsgəndərovun yaxın qohumlarından biri olub.

Əmlak Məsələləri Dövlət Komitəsinin (ƏMDK) bu məqsədlə Gədəbəyə ezam olunmuş əməkdaşları kompleksə baxış keçirdikdən sonra bu qənaətə gəlirlər ki, özəlləşdirmə üçün təyin olunmuş ilkin qiymət tikilinin real dəyərindən dəfələrlə aşağıdır.

ƏMDK-nin sədri Kərəm Həsənovun müdaxiləsi nəticəsində kompleksin "satılması” və özəlləşdirilməsi baş tutmur.