“Ölkəyə gətirilən oyuncaqlara nəzarət olunmur”

Eyyub Hüseynov: “bununlq bağlı müstəqil ekspertiza da yoxdur”

PsixoloqDəyanət Rzayevin fikrincə “Oyuncaqların psixoloji aspektləri çox yüksəkdir. Onların yumru, girdə, yumuşaq olması ilə uşaq ətraf aləmi dərk edir. Bu fikirləri “Vətəninfo.az”a açıqlamasında psixoloqDəyanət Rzayev bildirib. Onun fikrincə bəzən elə qorxulu oyuncaqlar olur ki, hətta böyük insanlar da ona baxanda dəhşətə gəlir. “Təbii ki, bu da uşaqda müəyyən fobiyalar formalaşdırır. Hazırda ölkəmizə gətirilən oyuncaqlara dövlət tərəfindən heç bir nəzarət yoxdur”-deyən ekspert bildirdi ki, heç kim oyuncaq istehsal edən şirkətə müdaxilə edə bilməz ki, oyuncaqları bu formada deyil məhz başqa formada istehsal et.

“Bu mümkün olan şey deyil, sərbəst biznesdir. Oyuncaqlar istehsal olunarkən  bununla psixoloqlar, pedeqoqlar məşğul olmalıdır. Aqressiv oyuncaqlar istehsal etmək olmaz. Oyuncaqlar tərbiyədə böyük rol oynayır”. Azad İstehlak Birliyinin Sədri Eyyub Hüseynov isə hesab edir ki, uşaq oyuncaqlarının keyfiyyətsizliyi ilə bağlı yalnız telefon zəngləri gəlir.

“Yazılı şikayətlərin gəlməməsinə səbəb insanların zəhərlənməni hiss etməməsidir. Çünki zəhərlənmə tədricən baş verir. Bu oyuncaqların ölkəmizə gətirilməsinə kifayət qədər nəzarət olunmur, müstəqil ekspertiza yoxdur. Nəzarət mükəmməl deyil”-deyə sonda vurğuladı.

Gülnar Bəşirova