"Bu barədə çıxışlarımda dəfələrlə demişəm. İndiki bəzi məmurlar rüşvətə o qədər öyrəşiblər ki, axşam evə gedəndə rüşvət aparmasalar, ailələri onları evə buraxmır. Bu məsələ ilə bağlı Cənab Prezident dəfələrlə ciddi tapşırıqlar verib. Bu gün bir çox məmurlar həsbdədir. Amma bunların mayası rüşvətlə yoğrulub. Onlar bu əməlləriylə istər daxildə, istərsə də xaricdə ölkəni biabır edir, xalqı dövlətdən narazı salırlar. Düşünürəm ki, korrupsiyayla bağlı mübarizə bundan sonra da davam etməlidir. Bu gün səhiyyə və məhkəmə sahəsində ciddi qanun pozuntuları var. Bir sözlə, bütün sahələrdə böyük korrupsiya əməlləri var. Məmurların etdiyi bu əməllər dövlət üçün baş qaxıncıdır. Bu gün görün neçə nəfər keçmiş icra başçısı həbsdədir. Korrupsiyayla bağlı əməliyyatlar davam etsə, bəlkə Azərbaycanda bunun kökünü kəsə bilərik. Həm də media və ictimaiyyət nümayəndələri bu məsələdə dövlətə və dövlət başçısına kömək etməlidir”.

"Bu məmurların yarım milyon qiyməti olan avtomobil kolleksiyaları var. Sual yaranır ki, onlar bu bahalı maşınları hansı pulla alırlar? Harınlamış bir təbəqə var və onlar bu əməlləriylə xalqda qıcıq yaradırlar. Çox sağ olsun ki, hüquq-mühafizə orqanları bu istiqamətdə ciddi işlər görürlər”.