Nyu-Yorkda WTI markalı neft ucuzlaşıb

Nyu-Yorkda WTI markalı neftin barreli 1,11 dollar (2 faiz) ucuzlaşaraq 54,73 dollara satılıb.

Vətəninfo.az xəbər verir ki, Jefferies Bache investisiya kompaniyasının eksperti Endryu Libou qiymətlərin ucuzlaşmasına ABŞ-da “qara qızıl” ehtiyatlarının artması barədə xəbərlərin səbəb olduğunu düşünür.

ABŞ-ın Energetika Nazirliyi dekabrın 24-də keçən həftə üçün ölkədəki neft ehtiyatlarının 7,26 milyon barrelə qədər artdığı barədə məlumat yaymışdı.

Qiymətlərin bahalaşması həm də dolların məzənnəsinin qalxması ilə əlaqədardır. Belə ki, neft əksər hallarda dollarla satılır və Amerika valyutasının bahalaşması digər valyutalardan istifadə edən alıcıların aktivliyinin azalmasına gətirib çıxarır.

Həftənin nəticəsinə görə, Nyu-Yorkda neftin qiymətinin ucuzlaşması 4,2 faiz təşkil edib. “Qara qızıl” artıq ardıcıl olaraq beşinci həftədir ki, ucuzlaşmaqda davam edir.