Obamadan BƏYANAT: “Bu təsdiqlənməsə, ABŞ üçün təhlükə olacaq”

İmmiqrasiya məsələləri barəsində Ağ Evlə ABŞ Konqresi arasında yaranmış fikir ayrılıqları ölkənin milli təhlükəsizliyi üçün ciddi təhlükə yaradır.

Modern.az saytının xarici KİV-ə istinadən verdiyi xəbərə görə ABŞ prezidenti Barak Obama ölkənin Milli Təhlükəsizlik Nazirliyinin büdcə layihəsinə münasibət bildirərkən deyib.
Məlumat üçün deyək ki, ABŞ Konqresi sözügedən büdcəni təsdiqlməsə, bu ölkədəki sərhədçilərin, gömrükçülərin maaşsız qalmasına gətirib çıxaracaq. 

Ağ Ev rəhbəri bəyan edib ki, Milli Təhlükəsizlik Nazirliyinin 40 milyard dollar vəsaitindəki büdcəni Konqres təsdiqləməlidir. Obama bildirib ki, büdcənin təsdiqlənməsi ABŞ iqtisadiyyatına və milli təhlükəsizliyinə müsbət təsir edəcək. 

Qeyd edək ki, ABŞ-ın adıçəkilən nzairliyi müvəqqəti qətnamə əsasən maliyyələşdirilir. Senat bu sənədi yeniləmək niyyətindədir. Hər iki palatada əksəriyyət təşkil edən respublikaçılar bunu prezidentin immiqrasiya məsələləri üzrə qərarı ilə bağlamağa çalışırlar. Ağ Ev isə belə addıma getməkdən imtian edir.